САБАҚ ЖОСПАРЛАРЫН ӘЗІРЛЕУ ҮЛГІЛЕРІ

Тірек мектеп-лицейде жас мамандардың педагогикалық шеберлігін арттыру және сапалы білім беру үрдісін ұйымдастыру мақсатында "Сабақ жоспарларын әзірлеу үлгілері" тақырыбында нұсқаулық-кеңес беру жұмысы жүргізілді.  

Нұсқаулық барысында:  
- Сабақ жоспарының құрылымы мен мазмұны түсіндірілді;  
- Қысқа мерзімді жоспарлау (ҚМЖ) үлгілері көрсетілді;  
- Сабақ мақсатын оқу бағдарламасына сәйкестендіру жолдары ұсынылды;  
- Блум таксономиясы мен критериалды бағалау жүйесі бойынша бағыт-бағдар берілді;  
- Оқу тапсырмаларын саралау және тиімді әдіс-тәсілдерді таңдау мәселелері қозғалды.

Жас педагогтер тарапынан қойылған сұрақтарға нақты жауаптар беріліп, тәжірибелік кеңестер ұсынылды. Сондай-ақ, пән мұғалімдеріне арналған дайын үлгі жоспарлар таратылып, практикалық қолдау көрсетілді.

Бұл шара жас мамандардың кәсіби дамуына, сабақты жүйелі жоспарлап, тиімді өткізуіне септігін тигізетін маңызды жұмыс болды.