ЖАС МАМАНДАР ОТЫРЫСЫ ӨТТІ

Жас мамандардың кәсіби біліктілігін арттыру және оларды педагогикалық процестерге бейімдеу мақсатында жас мамандар отырысы ұйымдастырылды. Бұл отырыс жас мұғалімдерге тәжірибе алмасу, кәсіби өсу жолындағы мәселелер мен сұрақтарды талқылауға мүмкіндік берді.

Отырыс барысында директордың ғылыми әдістемелік жұмысы жөніндегі орынбасары, жас мамандар жетекшісі және тәлімгерлері жас мамандарға педагогикалық тәжірибелер мен әдіс-тәсілдерді қолдану, оқушылармен тиімді жұмыс жүргізу, оқыту сапасын арттыру бойынша кеңестер берді. Сондай-ақ, жас мамандар өздері кездестірген қиындықтар мен мәселелер жайында пікірлерін айтып, бір-біріне тәжірибе алмасу мүмкіндігіне ие болды.

Отырыс соңында жас мамандардың кәсіби дамуына арналған жоспарлар мен ұсыныстар айтылып, әрі алда өтетін жас мамандар әдістемелік айлығына дайындық жұмыстары талқыланды.