"ЖАҢАЛЫҚҚА БАСТАҒАН - ЖАС МАМАН" ДӨҢГЕЛЕК ҮСТЕЛ ОТЫРЫСЫ

Тірек мектеп-лицейде жас мамандар айлығы аясында "Жаңалыққа бастаған – жас маман" атты дөңгелек үстел отырысы өтті. Іс-шараның негізгі мақсаты – жас ұстаздардың кәсіби дамуына қолдау көрсету, олардың креативті бастамаларын насихаттау және педагогикалық тәжірибе алмасуға мүмкіндік жасау.

Дөңгелек үстел отырысында:  
🔹 Жас педагогтер өздерінің алғашқы жетістіктері мен кездескен қиындықтары туралы ой бөлісті;  
🔹 Тәжірибелі ұстаздар тарапынан әдістемелік ұсыныстар мен кәсіби кеңестер берілді;  
🔹 Ашық пікір алмасу барысында мұғалімдер бір-бірінің тың идеяларын талқылап, қолдау білдірді;  
🔹 Жас мамандар шығармашылық ізденістері мен заманауи білім беру әдістеріне қатысты жобаларын таныстырды.

Бұл кездесу – жас мамандардың кәсіби әлеуетін дамытуға бағытталған маңызды қадам болды. Осындай басқосулар жас ұстаздарға шабыт сыйлап, жаңа мүмкіндіктерге жол ашады.