ТІРЕК МЕКТЕБІНЕ ҚАРАСТЫ МАГНИТТІК МЕКТЕПТЕР ӨЗАРА УАҒДАЛАСТЫ

Биылғы оқу жылында Жамбыл облысы бойынша 2 мектеп «Білім беруді тұрақты дамыту» қорының «Ауылдық жерлерде тірек мектептердің әлеуетін дамыту» жобасына енген болатын. Соның бірі, Жуалы ауданының Әлихан Бөкейхан атындағы №15 мектеп-лицей. Аталмыш жоба аясында мектеп-лицейдің материалдық-техникалық базасы толықтай жаңарды. Атап айтқанда, заманауи зертханалармен, TELE-studia, ART-studia, STEM-лаборатория, Intellectum т.б. пәндік кабинеттері жабдықталды. 
Тірек мектеп-лицей ретінде магниттік мектептермен бірлесе отырып білім сапасын арттыру және білім алушылардың жан-жақты дамуына қолайлы жағдай жасау мен лицей базасындағы ресурстарды тиімді пайдалану мақсатында тірек мектеп-лицейдің бастамасымен магниттік мектептердің «Мектеп Парламенті» өзін-өзі басқару ұйымының мүшелерімен өзара ынтымақтастық меморандумына қол қойылды.
Келісімде мектепаралық байқаулар мен олимпиадаларға, спорттық жарыстарға, конференцияларға белсенді қатысу, экскурсиялық сабақтар ұйымдастыру, мектеп білім алушылары арасында құқық бұзушылықтың алдын-алу т.б. мәселелер қаралды. Алдағы уақытта магниттік мектептердің «Мектеп Парламенті» өзін-өзі басқару ұйымының мүшелерімен тығыз жұмыс жасалатын болады.