ROBOTEK GRAND TOURNAMENT

Шерхан Мұртаза атындағы Халықаралық Тараз университеті және «Жамбыл дарыны» аймақтық ғылыми-практикалық орталығының ұйымдастыруымен робототехникадан мектеп оқушыларына арналған «Robotek Grand Tournament» республикалық турнирінің облыстық кезеңі өтті. Турнирдің облыстық кезеңіне өңірдегі мектептердің үздік командалары қатысып, өздерінің инженерлік және бағдарламалау дағдыларын сынады. Жарыс бірнеше номинация бойынша өтті, оның ішінде роботтардың жүру жылдамдығы, күрделі тапсырмаларды орындау қабілеті және автономды басқару жүйелерінің тиімділігі бағаланды. Төрешілер командалардың шығармашылық көзқарасын, техникалық шешімдерінің инновациялығын және тапсырмаларды орындау сапасын назарға алды.

Турнир қорытындысы бойынша тірек мектеп-лицейдің командасы "Инверстік сызық бойымен” санатыбойынша жүлделі ІІІ орынға ие болды. Бұл жеңіс – үлкен еңбек пен командалық рухтың нәтижесі. Команда мүшелеріне алғысымызды білдіреміз, алдағы уақытта да жаңа биіктерді бағындыруларыңызға тілектеспіз!
Команда жетекшісі информатика пәнінің мұғалімі Мейірхан Нұрлыхан.