10 ЖЫЛДЫҚ БЕЛЕСКЕ АРНАЛҒАН ЖАРЫСТЫҢ ЖЕҢІМПАЗЫ АТАНДЫ

Мектептің 10 жылдық тарихын тойлау — оның өткенін құрметтеп, қорытындылап және болашаққа деген жоспарларды құру үшін маңызды қадам. Осыған орай Әлихан Бөкейхан атындағы #15 тірек мектеп-лицейге 10 жыл толуына орай волейболдан ұстаздар арасында аудандық жарыс өтті. 

Турнирге барлығы 8 команда қатысып, 2 топта бақ сынасты. Тартысты өткен жарыста І орынды Әлихан Бөкейхан атындағы #15 тірек мектеп-лицейі жеңіп алса, ІІ орынды М.Ломоносов атындағы орта мектебі, жүлделі ІІІ орынды С.Сейфуллин атындағы орта мектебінің ұстаздары иеленді. Жарыстың "Үздік ойыншысы" номинациясын Сайлаубаев Руслан, "Үздік қорғаушы" Оңғарбай Сейітжан, "Үздік байланыстырушы" Түлкібаев Данияр иеленді.

Жарыс жеңімпаздарын "Бұқаралық спорттық іс-шаралар өткізу орталығының" директорының орынбасары Б.Жаңабаев пен тірек мектеп-лицей директоры Р.Сайлаубаев марапаттап, бағалы сыйлықтар табыс етті.