ПАРЛАМЕНТ МӘЖІЛІСІ ДЕПУТАТЫ МЕКТЕП-ЛИЦЕЙДЕ ҚОНАҚТА

Мектеп-лицей "Ауылдық жерлерде тірек мектептердің әлеуетін дамыту" жобасы аясында тірек мектептердің қатарына қосылған болатын. Бұл жарқын жобаны жасап, жүзеге асырып келе жатқан "Қазақстан халқына" қоры мен “Білім беру саласын тұрақты дамыту” қоры.
Аталмыш жобаның мақсаты - ауылдық жерлердегі ағарту ошақтарын заманауи игіліктермен қамту, материалдық-техникалық базаны толық жаңарту. Мұғалімдердің біліктілігін арттыру. Ал жобаға енетін мектеп заманауи жөндеуден өткен болуы керек.
Биылғы оқу жылында мектеп-лицей тірек мектеп талабымен толық жаңарды. Айталық, модификациялық кабинеттер, заманауи зертханалар, пәндік сыныптар, ART-студия, STEM-лаборатория, ЗD және робототехника, TELE-студия, кітапхана, мәжіліс залы т.б жабдықталды. Осыған орай, Парламент мәжілісінің депутаты Нұрымова Гүлдара Алданышқызы мектеп-лицейге арнайы келіп, мектеп тынысымен танысты.