«SMART BALA» жобасы аясында ұйымдастырылған «Startup» байқауы

 «SMART BALA» жобасы аясында ұйымдастырылған «Startup» байқауы – жас ұрпақтың инновациялық және кәсіпкерлік әлеуетін дамытуға бағытталған маңызды бастама. Бұл байқау TEDx форматында өткізіліп, қатысушылардың шығармашылық ойлауын, шешендік қабілетін және іскерлік дағдыларын шыңдауға мүмкіндік берді.

📌 Байқаудың мақсаты:- Инновациялық жобалар арқылы жастардың құндылықтарды түсінуін және ілгерілетуін қамтамасыз ету;- Кәсіпкерлік және инновация саласында студенттердің қызығушылығын ояту және дағдыларын дамыту.

🧠 Қатысушыларға қойылатын талаптар:
- Жобалар тұрақты даму, болашақ технологиялар, экология және әлеуметтік инновациялар тақырыптарын қамтуы тиіс;
- Жаңашылдық: жоба белгілі бір мәселені жаңа немесе жетілдірілген тәсілмен шешуі қажет;
- Мүмкіндік: нақты іске асыру жоспары мен бизнес-жоспардың болуы.

🎤 TEDx форматындағы презентация:
- Қатысушылар 5–7 минуттық қысқаша әңгіме арқылы өз жобаларын таныстырды;
- Көрнекі құралдарды (слайдтар, бейнероликтер) пайдалану құпталды, бірақ негізгі назар ауызша баяндауға аударылды.

🏆Байқаудың нәтижелері:
- Қатысушылар өздерінің инновациялық идеяларын ұсынып, қоғамның өзекті мәселелерін шешуге бағытталған жобаларын қорғады;
 - Жеңімпаздар идеяның жаңашылдығы, нарықтағы өміршеңдігі, команданың тәжірибесі мен қабілеттілігі, жобаның қаржылық тартымдылығы сияқты критерийлер бойынша анықталды

«SMART BALA» жобасы аясындағы «Startup» байқауы жастардың шығармашылық және кәсіпкерлік қабілеттерін дамытуға, олардың қоғамдағы белсенділігін арттыруға және болашақта табысты кәсіпкерлер мен жаңашыл тұлғалар ретінде қалыптасуына зор үлес қосуда.