«ЖЕҢІСТІҢ ШЫҢЫНДА ДАРЫНДЫЛАР!» МАРАПАТТАУ РӘСІМІ

Тірек мектеп-лицейдің оқу-тәрбие жоспарына сәйкес республикалық, облыстық және аудандық деңгейдегі пәндік олимпиадалар мен шығармашылық байқаулар, ғылыми жобаларда топ жарған талантты оқушыларды ынталандырып, олардың болашақта одан әрі жетістіктерге жетуіне бағыт беру мақсатында салтанатты түрде марапаттау рәсімі ұйымдастырылды.

Марапаттау рәсімі барысында тірек мектеп-лицей директоры Сайлаубаев Руслан Бахытұлы әрбір жеңімпаздың еңбегі мен шығармашылық табыстары туралы сөз сөйлеп, олардың болашақта жаңа биіктерге жетуіне деген сенімін білдіріп, жетістік шыңын бағындырған білім алушылардың жетекшілерін алғыс хатпен марапаттады.

Шара соңында марапаттау рәсімін директордың ғылыми-әдістемелік ісі жөніндегі орынбасары Сапаева Қалампыр Жолдасбекқызы қорытындылап, дарынды оқушыларды қанжығаға байлаған жетістіктерімен құттықтап, алдағы уақытта әлі талай биік шыңдарды бағындыруына тілек білдірді. Бұл шара оқушыларға жаңа мақсаттар қойып, өз-өздеріне сеніп, арманға жетуге ықпал етті.