ҰБТ-ГЕ ДАЙЫНДЫҚ КЕЗІНДЕ АТА-АНА МЕН МЕКТЕП АРАСЫНДАҒЫ ЫНТЫМАҚТАСТЫҚТЫҢ МАҢЫЗЫ

Ұлттық Бірыңғай Тестілеудің (ҰБТ) түлектер үшін маңыздылығын түсіндіру және ата-аналарды сынаққа дайындық барысында дұрыс қолдау көрсету әдістерімен және Қаңтар айындағы ҰБТ нәтижесімен таныстыру мақсатында мектеп бітіруші түлектердің ата-аналары үшін жиналыс өткізілді. Шараға тірек мектеп-лицей директоры Сайлаубаев Руслан Бахытұлы, директордың оқу жұмысы жөніндегі орынбасары Нұрғазы Әділет Рақымғазыұлы және пән мұғалімдері қатысты. Мектеп әкімшілігі тарапынан оқушылардың ҰБТ-ге қалай дайындалуы керек екендігі және оның болашақта білім алуға, мамандық таңдауына қалай әсер ететіні туралы толыққанды ақпарат берілді. Сонымен қатар, тестілеу нәтижелерінің болашақ мамандық таңдау мен жоғары оқу орнына түсу мүмкіндігіне әсері талқыланды.

Жиналыс барысында ата-аналар өз сұрақтарын қойып, балаларын ҰБТ-ге қалай дұрыс дайындауға болатынын талқылады. Сондай-ақ, мектеп-лицей директоры ата-аналарға оқу барысындағы қиындықтарды жеңуге, балаларының оқу мотивациясын арттыруға және олардың психологиялық жай-күйіне назар аударуға кеңес берді.

Жиын соңында ата-аналар ҰБТ-ге қатысты қандай да бір сұрақтар туындаса мектеп әкімшілігіне хабарласа алатынын айтты. ҰБТ-ге дайындықтың маңызды кезеңі болып табылатын бұл жиналыс ата-аналар мен оқушылар арасындағы ынтымақтастықты нығайтып, сәтті нәтижеге жетуге ықпал етті.