БАУЫРЖАН МОМЫШҰЛЫ МҰРАЖАЙЫНА САЯХАТ

Бауыржан Момышұлы – қазақтың даңқты батыры, жазушысы, Ұлы Отан соғысының аты аңызға айналған қолбасшыларының бірі. Оның ерлігі мен еңбегі халық жадында мәңгі сақталады. Батырдың рухына тағзым етіп, өмірімен және мұрасымен жақынырақ танысу үшін «Жас Ұлан» республикалық балалар мен жасөспірімдер ұйымының мүшелері Бауыржан Момышұлы мұражайына саяхат жасады.Бұл мұражайда батырдың жеке заттары, құжаттары, әскери киімдері, фотосуреттері және оның жазған еңбектері қойылған. Бауыржан Момышұлы мұражайына саяхат – тек тарихи танымдық сапар ғана емес, сонымен бірге патриоттық рухты оятатын ерекше тәжірибе. Батырдың өмірі мен ерлігімен танысып, оның рухани мұрасын көру әрбір қазақ азаматы үшін маңызды. Бұл саяхаттан кейін әрбір оқушы ерлік пен батырлықтың мәнін тереңірек түсінеді.