15 АҚПАН - ҚАЗА БОЛҒАН ЖАУЫНГЕР-ИНТЕРНАЦИОНАЛИСТЕРДІ ЕСКЕ АЛУ КҮНІ

 Кеңес әскерлерінің Ауған жерінен шығарылғанына 35 жыл. 1989 жылдың 15 ақпанында Кеңес әскерлерінің Ауғаныстан жерінен шыққан күні. Бұл күн – жүректегі ауыр азапты жылдар мен ана сүті аузынан кеппеген түбі тиек бауырларымызды еске алар күн.

Өмір тоқтамайды, ерлік өлмейді, замандарға жалғаса береді. Сұрапыл уақыттағы қайғылы шежіре жаңғырығы халықтың зердесінде бағасы артып, уақыт алдыға жылжыған сайын ауған ардагерлерінің жасаған ерліктерінің шоқтығы биіктей бермек. 

Атаулы күнге орай тірек мектеп-лицейде (РО) жалпыадамзаттық және ұлттық құндылықтар негізінде оқушылардың бойында патриоттық сезімді қалыптастыру мақсатында «Генералдар мекені» жобасы аясында жоғары сынып оқушыларымен «Өшпес ерлікке - мәңгі тағзым» атты ауған соғысы ардагерлерімен кездесу кеші өтті. 

Кездесудің басты мақсаты – ауған соғысы ардагерлеріне құрмет көрсету, жат жерде көз жұмған жерлес азаматтарды еске алу және жас ұрпақ бойында туған елге, туған жерге деген сүйіспеншілігін арттыру. Жиын барысында ауған соғысының ардагерлері бастарынан өткен оқиғалармен бөлісті. Сондай-ақ, жас буын өкілдеріне жылы лебіздерін білдірді.