ҚАЗАҚСТАН - ТАТУЛЫҚ МЕКЕНІ

ҚР Конституциясының 30 жылдығына орай  «Қазақстан-татулық мекені» тақырыбында бірыңғай тәрбие сағаттары өтілді.Бұл тәрбие сағаты оқушыларды еліміздің көпұлтты құрылымын түсінуге, әртүрлі мәдениеттердің байлығын бағалауға және достық пен татулықты сақтау үшін жауапкершілік сезімін қалыптастыруға бағытталған.

Татулық— бұл халықтар арасындағы өзара түсіністік, құрмет және бейбітшілік орнату процесі. Татулық ұғымы адамдардың түрлі этникалық және мәдени топтар арасында келісім мен достықты сақтау, ұлттық, діни және мәдени айырмашылықтарды құрметтеу арқылы жүзеге асады. Қазақстан — көпұлтты ел ретінде, әртүрлі ұлттардың бір шаңырақ астында бейбіт өмір сүруіне мүмкіндік береді. Бұл елде қазақ халқы мен басқа ұлт өкілдері арасындағы достық, өзара қолдау мен татулық негізінде қоғам дамып келеді. Татулық пен бірлікті сақтау — Қазақстанның табысты болашағының негізі, өйткені еліміздің көпұлтты құрылымы оның байлығы мен қуатын көрсетеді.