"ТӘУЕЛСІЗДІК – ЕҢ БАСТЫ ИГІЛІК, БАҒА ЖЕТПЕС ҚҰНДЫЛЫҚ" ЖЕЛТОҚСАНШЫЛАРМЕН КЕЗДЕСУ

 «Желтоқсаншылар» — 1986 жылы 16-17 желтоқсан күндері Алматыда болған қазақ жастарының саяси көтерілісі мен наразылық қозғалысының қатысушылары. Олар өздерінің құқықтарын қорғау, ұлттық тәуелсіздік пен еркіндік үшін күрескен. Осы оқиға кеңестік тоталитаризмге қарсы тұрып, қазақ халқының ұлттық рухын көтерген маңызды кезең екендігі тарих беттерін белгілі.

Осы орайда эксперименттік алаң аясында оқиға күәгерлерімен кездесу өтті. Кездесуге тірек мектеп-лицей педагогтері мен жоғары сынып білім алушылары қатысты. Кездесуде күәгерлер ұлттық бірлікті сақтау, тәуелсіздік үшін күресу жолындағы алаңдағы жастардың ерліктерін өскелең ұрпаққа айтып, оларды ұлттық құндылықтарымызды, салт-дәстүрімізді, ұлттық мүддемізді, тілімізді, тарихымызды құрметтеуге шақырды.